黑色暴雨之夜!!!

四月二十四日零晨時份，香港天文台發出了本年第一次的黑色暴雨警告。當時位於鰂魚涌一單位內，一隻淺棕色的松鼠狗因為懼怕窗外凌厲的風、雷、雨、電，所以就瑟縮在客廳沙發椅附近，並發出"嗚嗚"的悲鳴聲。小狗主人在睡夢中聽到 "嗚嗚" 聲就驚醒咗，男主人更一個箭步跑出客廳睇吓小狗的情況。當時小狗一見到主人出現便飛身撲向主人身邊求救啦，咁阿男主人就抱小狗入去睡房一齊瞓喇。據女主人報稱，當小狗上到主人張床嗰時仍然係好驚，估計當時小狗o既心跳高達每分鐘130下咁上吓啦!!!雖然小狗已經有主人陪住，但因為暴雨仍然持續，所以小狗仍然係張床度 Dee Dee震咗成晚，最終攪到三隻都瞓得唔好，第二朝個個都多咗對黑眼圈!!!

在同一個晚上，於鰂魚涌另一個單位內，一隻深棕色松鼠狗並沒有被窗外的狂風暴雨所影響，安睡咗一晚，咁小狗主人當然都可以瞓得好好啦，所以第二朝瞓醒，大家都鬼打都冇咁精神，重容光煥發添！所以話有時做隻(或者係養隻) 眼又蒙蒙地、耳又聾聾地o既狗，有時都幾好架!!!