舊相識?!

終於都可以 "的" 起心肝再寫吓blog......

今日有衝動寫吓係因為我又係小巴上碰到了自少已認識的他, 不過我只係知道佢個名, 從來都未見過佢既真面目, 佢嗰名係叫做 "老孫", 就係時常在小巴司機座位後面見到嗰個名。記得係我豆丁嗰時坐嗰d沒有安裝冷氣及只得十四個座位的小巴, 差不多每之都見到佢個名係小巴司機座位後面, 嗰時唔明點解要整個名係度, 問咗屋企人先知 "老孫" 係整小巴坐位的人, 就係咁我就冇啦啦識咗佢。其實之前坐小巴都唔係好見到佢個名喇, 取而代之既係一d唔識得, 又唔會記到既公司名, 但係估唔到今日又見到佢個名出現係小巴司機位, 哈哈....真係好懷念!!

細心看看 "老孫" 張卡片, 發覺時至今日"老孫" 唔止整小巴座位, 重整埋小巴內部裝飾, 卡片下方還有聯絡用的手提電話, 真係想打個電話同這個舊相識 (單方面的?!)傾吓! 哈哈.........